اكــــطــع قــيــودك 2010

عدد المساهمات : 21 تاريخ التسجيل : 17/12/2009

راح اقطع قيودك راح واكفر بيك
وأعلن ثورة ضدك واصبر بدونك
بيان أعلنت فوري واضطراري وياك
على گلبي وعيوني اليوم ينسونك
فلتسقط رموشك وإذا چنهه سيوف
فليسقط جمالك تسقط عيونك
فليسقط عطر شعرك ألبيه چنت مجنون
الذوبني ونهاني وصرت مجنونك
وخدودك إلچنهه من الخجل بركان
ولونك والشمس ما ينحزر لونك
يسقط سجن شوگك ولك مو مليت
ما مرة رحمت بحال مسجونك
شفتني لوحدي وانته جمالك جيش
واحتليت گلبي ألما گدر دونك
راح ادخل حرب صبرك بدون سلاح
واشمت بيك كل ألما يگدرونك
وأجبرك تنسحب متعذب ومكسور
واشلع ضحكتك من لمعة سنونك
وإلا راح افجر دمع عيني عليك
واحرگهن أسرارك واذبح ظنونك
انه اطيتك عمر شمعة عذاب وليل
بس گلي الخذوك شراح يطونك
فجأة تغيرت لا عذر لا تبرير
ثواني بلا سبب گدروا يغيرونك
لا وگفت بعينك سالفة آنه وياك
وبنعمة عشگنه كفر ماعونك
لا ذكرى عزيزة لا حلم عشناه
لا وگفت بعينك دمعة عيونك
ولو آني شربتك عسل ما ظل بيك
وما أندم عليك شما يشربونك
ولو تينك بديه آثاره موجودات
وليهسه بديه آثارها غصونك
وبعد وردة برگبتي اللون الأحمر ذاك
واسأل شفتك لو تيهت لونك
بس گلي شيقنعة ويسكت ويرتاح
گلبي الخان بيه وما رضه يخونك

للشاعر علي الفريداوي

» انــه احــبــك 2010
» اقوي برنامج بروكسي 2010
» برنامج اختراق من برمجتي 2010